Marka qofku gaaro heerka fahamka, wax walba ma hagaagaan isla markiiba. Runta ayaa ah in inta badan ay sii adkaadaan. Awakening-ku ma keeno deggenaansho degdeg ah; wuxuu keenaa kala go’. Qofku wuxuu bilaabayaa inuu ka fogaado waxyaabo horey u ahaa caadi. Hadallo dadku ku wada hadlaan uma muuqdaan kuwo micno leh. Himilooyin hore uma kiciyaan sida ay hore u kicin jireen. Waxaa dhalanaya dareen cusub oo aan si fudud loo magacaabi karin: qofku wuu ogyahay in wax khaldan yihiin, balse weli si buuxda uma garanayo jidka saxda ah.
Maskaxda soo baarugtay waxay gashaa marxalad nadiifin ah. Waxay bilaabaysaa inay iska diido fikirro horey loogu rakibay. Tani waa sababta qofka soo baraarugay uu mararka qaar u dareemo kelinimo. Ma aha sababtoo ah dadka kale way ka tageen, balse sababtoo ah maskaxdiisu kama sii joogto isla heerkii ay dadka kale joogeen. Kala fogaanshahaasi waa mid maskaxeed ka hor inta uusan noqon mid jireed.
Waxa ugu horreeya ee is beddela waa sida qofku u fekero. Fikir degdeg ah wuxuu isu beddelaa fikir qoto dheer. Falcelin degdeg ah waxay isu beddeshaa ka fiirsasho. Qofka ma sii degdego. Wuxuu bilaabayaa inuu istaago ka hor inta uusan jawaabin. Aamusnaantu waxay noqotaa meel uu ku nasto, halkii ay ka ahaan lahayd wax laga cararo. Taasi waa isbeddel weyn oo dad badani fahmi waayaan.
Kadib, qofku wuxuu bilaabayaa inuu su’aalo ka keeno naftiisa. Ma aha su’aalo yaryar, balse su’aalo culus: Yaa aan ahay anigoo aan shaqadayda ahayn? Maxaan rabaa anigoo aan rabitaanka bulshada ahayn? Maxay yihiin waxyaabaha aan run ahaantii qiimeeyo? Su’aalahan ma keenaan jawaabo degdeg ah, balse waxay furaan albaab cusub oo maskaxeed.
Mindset-ka cusub kuma dhasho kalsooni degdeg ah; wuxuu dhalaa xishood aqooneed. Qofku wuxuu ogaanayaa inta uu ogaa inay yaraayeen. Halkii uu ka hadli lahaa wax walba, wuxuu bilaabayaa inuu dhageysto. Halkii uu ka doodilahaa, wuxuu bilaabayaa inuu fahmo. Tani waa calaamad kale oo muujinaysa in maskaxdu si dhab ah u soo baraarugtay.
Waxaa sidoo kale jira culeys cusub. Marka aad ogaato in nidaamku shaqeynayo sida uu u shaqeynayo, mas’uuliyaddaada ayaa kordhaysa. Ma sii eedeyn kartid jaahilnimo. Doorasho kasta oo aad sameyso waxay yeelanaysaa miisaan. Qofka soo baraarugay uma sii noolaan karo si aan ujeeddo lahayn, xitaa haddii uusan weli garan ujeeddadiisa. Taasi waa sababta marxaladdan ay u noqoto mid adag, remember ahna mid muhiim ah.
Mindset-ka cusub wuxuu sidoo kale jebinayaa baahida oggolaanshaha. Qofku si tartiib ah ayuu uga xoroobayaa rabitaanka ah in dadka kale ay ku qanacsan yihiin. Ma aha inuu noqdo qof go’doon ah, balse wuxuu fahmayaa in oggolaanshaha bulshada uusan ahayn halbeeg run ah. Tani waxay keentaa xasilooni gudaha ah oo aan buuq lahayn.
Marka Awakening-ku u gudbo Mindset, qofku ma raadinayo inuu noqdo qof ka wanaagsan dadka kale. Wuxuu raadinayaa inuu noqdo qof daacad u ah naftiisa. Daacadnimadaas ayaa ah tiirka ugu horreeya ee xorriyadda dhabta ah. Qofka halkaas gaara wuxuu bilaabayaa dhisidda nolol aan ku dhisnayn falcelin, balse ku dhisnayn faham.
Mindset-kani ma aha dhammaad. Waa aasaas. Waa saldhigga laga bilaabo fahamka lacagta, shaqada, iyo ganacsiga si ka duwan sidii hore. Qof aan mindset-kan dhisin, xitaa haddii uu ka baxo Matrix-ka, wuxuu dhisi karaa Matrix kale oo cusub. Taasi waa sababta maskaxda loo dhiso ka hor inta aan ficil la qaadin.
Halkaan ayay ka bilaabataa safar cusub. Safar aan qaylo lahayn. Safar aan la wada arkin. Safar qofka ka dhex bilaabma. Safar aan qof walba u furnayn.
